ကညွတ်စိုက်ပျိုးနည်း
မူရင်းဒေသ
အပင်ရိုင်းများကို မြေထဲပင်လယ်ကမ်းခြေဒေသတစ်ဝိုက်၊ ဥရောပအနောက်ပိုင်း၊ ဗြိတိသျှကျွန်းစုတောင်ပိုင်း၊ ဆိုဗီယက်နှင့် ပိုလန်နိုင်ငံများ တွင် တွေ့နိုင်ပါသည်။ ကညွတ်ကို ရောမလူမျိုးများသည် ဆေးဝါးအဖြစ် စားသုံးခဲ့ကြကြောင်း သိရှိရပါသည်။
အမျိုးအစား
ကမ္ဘာပေါ်တွင် အမျိုးအစားပေါင်း (၁၅၀) ခန့် ရှိပါသည်။ Asparagus officialis ထင်ရှားသောမျိုး ဖြစ်ပါသည်။ အပင်၏ အရွယ်အစားသည် (၃.၇) ပေခန့်အမြင့်ရှိပြီး နှစ်ရှည်ခံပင်မျိုး ဖြစ်ပါသည်။ အဖိုပင်၊ အမပင် ဟူ၍ ရှိပါသည်။ Mary Washington မျိုးသည် သံချေးရောဂါ ခံနိုင်ပြီး အချိန်စော၍ အထွက်ကောင်းပါသည်။ အများဆုံးစိုက်ပျိုးလျက်ရှိသော မျိုးများမှာ Calfornia 500, Seneca Washington , Wac Tham Washington , U.C.66 နှင့် U.C.272 တို့ဖြစ်ပါသည်။
စိုက်ပျိုးသည့်ဒေသ
မြစ်ဝကျွန်းပေါ်ဒေသ ဟင်္သာတ၊ ဓနုဖြူတို့တွင် စိုက်ပျိုးသည်။ သာယာဝတီမြို့နယ်တွင် အနည်းအကျဉ်း စိုက်ပျိုးပါသည်။ သို့သော် ကျယ်ကျယ်ပြန့်ပြန့်စိုက်ပျိုးခြင်း မရှိသေးပါ။
မြေအမျိုးအစား
ကညွတ်သည် မြေသြဇာထက်သန်ပြီး အစိုဓာတ်ရှိသော သဲနန်းမြေတွင် ကောင်းစွာဖြစ်ထွန်းပါသည်။ အကြမ်းအားဖြင့် သဲဆန်လွန်း သောမြေ၊ စေးလွန်းသောမြေတို့မှလွဲ၍ မြေသားထူထူရှိသောမြေမျိုးတွင် စိုက်ပျိုးနိုင်ပါသည်။ ရေမ၀ပ်သော ခဲမြေတွင် စိုက်ပျိုးပါက စည်သွတ်ကညွတ်များ ကောင်းစွာရရှိနိုင်ပါသည်။ မြေအစိုင်ခဲများ ပေါများသောနေရာကို လုံးဝမနှစ်သက်ပါ။ pH (၆.၅) မြေမျိုးကို နှစ်သက်ပါသည်။
ရာသီဥတု
ကညွတ်သည် သမပိုင်းရာသီဥတုကို နှစ်သက်သည်။ ရာသီဥတုအလွန်အေးသော အချိန်တွင်း အကိုင်းအရွက်ကျ၍ အပင်အနားယူသည်။ မြေအမျိုးအစားထက် ရာသီဥတုနှင့် ရေရှိမှုတို့က ပိုမိုလိုအပ်ပါသည်။
မြေပြုပြင်ခြင်း
စိုက်ပျိုးမည့်မြေတွင် မစိုက်ပျိုးမီ ပဲမျိုးဝင်အပင်များကိုစိုက်ပျိုး၍ ပန်းမပွင့်မီ ထယ်ထိုးပေးခြင်းဖြင့် မြေသြဇာစိမ်းကျွေးပြီး မြေတွင် အာဟာရ ဓာတ်တိုးစေပါသည်။ ထယ်စူး (၈) လက်မနှင့် ထွန်းရေးညက်ညက်ရရှိအောင် ဆောင်ရွက်ရန် လိုအပ်ပါသည်။
မျိုးစေ့မှ စိုက်ပျိုးခြင်း
မျိုးစေ့ကို စိုက်ပါက တစ်ပင်နှင့်တစ်ပင် (၁-၁.၅) လက်မ ခြား၍ တစ်တန်းနှင့်တစ်တန်း (၂-၂.၅) ပေခန့်ထိ ထား၍ စိုက်ပျိုးရမည်။ မျိုးစေ့များ ကို ယုံကြည်စိတ်ချရသော စိုက်ပျိုးသူမျာထံမှလည်းကောင်း၊ အပင်ကောင်းစွာဖြစ်ထွန်းသော အကွက်များမှ လည်းကောင်း၊ ရွေးချယ် ၀ယ်ယူသင့်ပါသည်။
အဘယ်ကြောင့်ဆိုသော် အပင်ပေါက်ချိန်ကြာမြင့်သောကြောင့် ဖြစ်ပါသည်။ တစ်ဧကလျှင် မျိုးစေ့(၄) ပေါင် လိုအပ်ပါသည်။ မြစ်ဥ ကလေးများ Crowns တစ်ဧကလျှင် (၂၅၀၀၀-၃၀၀၀၀) ခန့် ထွက်ပါသည်။ အခြေအနေကောင်းမွန်ပါက မျိုးစေ့ချပြီး (၂-၆) ပတ် အကြာ ခန့်မှ အပင်ပေါက်ပါသည်။ ထို့ကြောင့် အပင်ပေါက်မြန်ရန် မျိုးစေ့ကို (၃-၄) ရက် ကြာအောင် အပူချိန် (၈၀-၉၀) ဒီဂရီဖာရင်ဟိုက်တွင် ရေစိမ်စိုက်ရပါမည်။ ရေကို တစ်နေ့ တစ်ခါလဲပေးရမည်။
ဥကိုဖဲ့၍ စိုက်ပျိုးခြင်း
ကညွတ်ပင်သည် နှစ်တော်ကြာထား၍ စိုက်ပျိုးနိုင်သော အပင်မျိုးဖြစ်ပါသည်။ ကညွတ်ကို မေ၊ ဇွန်လလောက်တွင် စိုက်ပျိုးကြပါသည်။ တစ်တန်းနှင့်တစ်တန်း (၃-၆) ပေ တစ်ပင်နှင့်တစ်ပင် (၁-၁.၅) ပေ အထိထား၍ စိုက်ပျိုးကြပါသည်။ ထို့အပြင် ကျင်းကိုလည်း အနက် (၆-၈) လက်မ အထိတူး၍ စိုက်ပျိုးနိုင်ပါသည်။
အပင်ပြုစုခြင်း
ပေါင်းမြက်များကို အခါအားလျော်စွာ ၇ှင်းပေးရပါမည်။ မိုးနှောင်းပိုင်းမှစတင်ဿ နေါရာသီအထိ အပင်သည် တဖြည်းဖြည်းကျလာသည်။ မိုးဦးမကျမီ တစ်လခန့်ကတည်းက မြေပေါ်အပင်များကို ခုတ်၍ မီးရှို့ပစ်ရမည်။ ထို့အပြင် နွားချေး/မြေဆွေး ဓာတ်မြေသြဇာများကို ထည့်ပေးထားရမည်။ မိုးဦးကျသည်နှင့် တစ်ပြိုင်နက် အစို့များထွက်လာလိမ့်မည်။ ကညွတ် (၁-၂) နှစ်သားတွင် ယင်းအပင်များ၏ အတန်းကြားတွင် ပဲပင်စိုက်လေ့ရှိပါသည်။
မြေသြဇာကျွေးခြင်း
မြေအစိုဓာတ်ကို ကောင်းစွာထိန်းသိမ်းရန် သဲဆန်သောမြေတွင် တစ်ဧကမြေဆွေး (၆-၁၀) တန် ထည့်ပေးရမည်။ ဓာတ်မြေသြဇာ လိုအပ်ချက်မှာ (ပေါင်/ဧက) နုန်းမြေတွင် အပင်သက် (၁) နှစ်ရှိပါက မြေဆွေး (၁၀)တန်၊ နိုက်တြိုဂျင် (၇၂) ပေါင်၊ ဖောစဖရပ် ၁.၆၀ပေါင်၊ ပိုတက်ရှိ ၆၄ ပေါင်၊ အပင်သက် (၂) နှစ်တွင် နိုက်တြိုဂျင် (၉၆) ပေါင်၊ ဖော့စဖရပ် (၆၄) ပေါင်၊ ပိုတက်ရှိ် (၈၀) ပေါင်၊ အပင်သက် (၃) နှစ်ခွဲတွင် မြေဆွေး (၆) တန်၊ နိုက်တြိုဂျင် (၁၄၄) ပေါင်၊ ဖော့စဖရပ် (၉၆) ပေါင်၊ ပိုတက်ရှ် (၁၂၀) ပေါင်၊ အပင်သက် (၆) နှစ်တွင် မြေဆွေး (၆) တန်၊ နိုက်တြိုဂျင် (၁၄၄) ပေါင်၊ ဖော့စဖရပ် (၉၆) ပေါင်၊ ပိုတက်ရှ် (၁၂၀) ပေါင်ကို မိုးဦးကျတွင် တစ်ကြိမ်၊ မိုးနှောင်းပိုင်း တွင် တစ်ကြိမ် (၂) ကြိမ်ခွဲ၍ ထည့်ပေးရန် ဖြစ်ပါသည်။
သဲနုန်းမြေတွင် အပင်သက် (၁) နှစ်တွင် မြေဆွေး (၁၀) တန်၊ နိုက်တြိုဂျင် (၉၆) ပေါင်၊ ဖော့စဖရပ် (၂၄၀) ပေါင်၊ ပိုတက်ရှ် (၈၀) ပေါင်၊ အပင်သက် (၂) တွင် နိုက်တြိုဂျင် (၁၃၆)ပေါင်၊ ဖော့စဖရပ် (၈၀) ပေါင်၊ ပိုတက်ရှ် (၁၀၄) ပေါင်၊ အပင်သက် (၃) နှစ်တွင် မြေဆွေး (၆)တန်၊ နိုက်တြိုဂျင် (၁၉၂) ပေါင်၊ ဖော့စဖရပ် (၁၂၀) ပေါင်၊ ပိုတက်ရှ် (၁၆၀) ပေါင်၊ အပင်သက် (၆) နှစ်အထက်တွင် မြေဆွေး (၆) တန်၊ နိုက်တြိူဂျင် (၁၉၂) ပေါင်၊ ဖော့စဖရပ် (၁၂၀) ပေါင်၊ ပိုတက်ရှ် (၁၆၀) ပေါင် ထည့်ပေးရပါမည်။
ပထမနှစ်တွင် ကညွတ်အတန်းကြားတွင် ဆလပ်၊ သက်လျင်ဂေါ်ဖီထုပ်၊ ပဲပင်နှင့် ကြက်သွန်များကို စိုက်ပျိုးနိုင်သည်။
ရိတ်သိမ်းခြင်း
မိုးရာသီအစတွင် စိုက်ပျိုးသောအပင်သည် မိုးတွင်းနှင့် ဆောင်းတွင်းတွင် အစားချက်လုပ်ပြီး အမြစ်သို့ပေးပို့ကာ နွေရာသီတွင် အပင် အပေါ်ပိုင်း တဖြည်းဖြည်းဝါခြောက်၍ သေသွားပါသည်။ လိုအပ်သော မြေဆွေး၊ ဓာတ်မြေသြဖာများကို ထည့်ပေးရပါသည်။
ကညွတ်အစို့များကို စိုက်ပြီး (၂) နှစ်သားတွင် စတင်ရိတ်သိမ်းနိုင်ပါသည်။ အပင်သက်(၇) နှစ်အထိ အထွက်တိုးလျက်ရှိသည်။ (၄-၁၀) နှစ်သားတွင် အမျိုးအစားကောင်းမွန်သော အတန်းအစားများ ရရှိနိုင်ပါသည်။ တစ်ဧကလျှင် ပိဿာ (၃၀၀-၅၀၀) ထွက်ပါသည်။
ကညွတ်အစို့များကို စိုက်ပြီး (၂) နှစ်သားတွင် စတင်ရိတ်သိမ်းနိုင်ပါသည်။ အပင်သက်(၇) နှစ်အထိ အထွက်တိုးလျက်ရှိသည်။ (၄-၁၀) နှစ်သားတွင် အမျိုးအစားကောင်းမွန်သော အတန်းအစားများ ရရှိနိုင်ပါသည်။ တစ်ဧကလျှင် ပိဿာ (၃၀၀-၅၀၀) ထွက်ပါသည်။
Source by – ဟင်းသီးဟင်းရွက်စိုက်ပျိုးနည်း
No comments:
Post a Comment